ތަރާވީޙް ނަމާދާއި ރޭއަޅުކަންކުރުން (އައްޝައިޚް ޢަބްދުއްސަލާމް ދާއޫދު) 

1- ތަރާވީޙް ނަމާދަކީ ރޭ އަޅުކަން 

2- ރޭ އަޅުކަމުގެ ވަގުތަކީ ޢިޝާނަމާދަށްފަހު ފަތިސް ވުމާ ހަމަޔަށް

3- ރޭ އަޅުކަމުގެ އެންމެ މާތް ވަގުތަކީ ރޭގަނޑުގެ ތިންބައިން ފަހުބައި ، އެކަމަކު ޚާއްޞަކޮށް ރަމަޟާންމަހު މައިރާވެސް ކުރެވޭނެ

4- ސުންނަތުން ސާބިތުވާ އެންމެ މޮޅުއިތުރު ޢަދަކީ 11 ރަކްޢަތް (2+2+2+2 ދެން ވިތުރި 2+1)

5- ރޭ އަޅުކަމަކީ ސުންނަތް ނަމާދެއް ކަމުން 11 ރަކްޢަތަށް ވުރެ މަދުންވެސް ކުރެވިދާނެ

6- ރޭ އަޅުކަމުގަ ކިޔަވަން އޮންނަ ވަކިވަރެއް ނުވަތަ ވަކިސޫރަތްތަކެއް ނެތް

7- ވިތުރީގެ ފުރަތަމަ ރަކްޢަތުގައި އަޢްލާ ސޫރަތް ދެވަނަ ރަކްޢަތުގައި ކާފިރޫން ސޫރަތް ތިންވަނަ ރަކްޢަތުގައި އިޚްލާޞް ސޫރަތް ކިޔެވުން ސުންނަތް ވެގެންވޭ މިނޫން ސުރަތްތައް ވެސް ކިޔެވިދާނެ

8- ވިތުރީގެ ފަހު ރަކްޢަތުގެ ރުކޫޢަށް ފަހު ޤުނޫތުކިޔުން ސުންނަތް ވެގެންވޭ ނުކިޔާ ދޫކޮށްވެސް ލެވިދާނެ

9- ޚާއްޞަކޮށް ރަމަޟާންމަހު ޖަމާޢަތުގަ ނުވަތަ އެކަނިހުރެ ވެސް ރޭ އަޅުކަން ކުރެވޭނެ

10- ރަމަޟާންމަހަށް ވިލޭ ފުރަތަމަ ރެއިން ފެށިގެން ތަރާވީޙް ނަމާދުކުރާނެ

11- މައިރު އެއްބައި ކޮށްފަ ދަންވަރު އަނެއްބައި ކުރާގޮތަށް ވެސް ކުރެވޭނެ

12- ރަމަޟާންމަހު ނޫނަސް ރޭ އަޅުކަމަކީ ސުންނަތްކަން ގަދަވެގެންވާ ނަމާދެއް

----------------------------------------------------------------

ތަރާވީޙް ނަމާދުގައި . . . (އައްޝައިޚް މުޙައްމަދު ޝާފިޢު) 

↲ ކިޔެވުމަށް ވަކި ސޫރަތެއް ވާރިދުވެފައި ނުވެއެވެ.

↲ ޚަތިމުކުރަންވެސް ކިޔެވިދާނެއެވެ.

↲ ޢައްމާ ފޮތްވެސް ކިޔެވިދާނެއެވެ.

↲ ޟުޙާ ސޫރަތުން ފެށިގެންވެސް ކިޔެވިދާނެއެވެ.

↲ ބޭނުން ސޫރަތެއް ބޭނުން ހިސާބަކުން ފަށާގެން ކިޔެވިދާނެއެވެ.

↲ޤުރުއާން ކިޔެވުމުގައި ސުންނަތް ގޮތަކީ މުޞްޙަފުގައި ވާތަރުތީބުން މަތިން ތިރިއަށް ކިޔެވުމެވެ.

↲ބަޤަރާ ސޫރަތުން ތަންކޮޅެއް ކިޔާފަ އަނެއް ރަކްޢަތުގަ އިޚްލާޞް ސޫރަތް ކިޔެވިސް އެކިޔެވުނީ ތަރުތީބުންނެވެ.

↲ހިތުދަސްވެފައިވާ ސޫރަތްތައް ތަކުރާރުކޮށްވެސް ކިޔެވިދާނެއެވެ.

↲ހިތުދަސް ނޫން މީހާ މުޞްހަފު ނުވަތަ ފޯނު ބަލައިގެންވެސް ކިޔެވިދާނެއެވެ.

🤲 ތަރާވީޙު ނަމާދު:

↲މިސްކިތުގަ އަދި ގޭގަވެސް ކުރެވިދާނެއެވެ.

↲ޖަމާއަތް ހަދާގެންވެސް ކުރެވިދާނެއެވެ.

↲ޢިޝާނަމާދު ފަހުން އަދި ފަތިސް ނަމާދު ކުރިން ކޮންމެ ވަގުތުގައި ކުރެވިދާނެއެވެ.

↲ދެރަކްޢަތުން ދެރަކްޢަތުން ސަލާންދެމުން ކުރަންވީއެވެ.

↲ނިންމާފަ ކިޔުމަށް ޚާއްސަ ދުޢާއެއް ނޯވެއެވެ.

↲ސުންނަތާ އެންމެ ކައިރި ގޮތަކީ 8 ރަކްޢަތް އަދި ވިތުރީގެ 3 ރަކްޢަތްކުރުމެވެ.